Changtongta Town nung temesepba mozü aika apu

Changtongya Town, April 05 (TYO):  Wb. Imtisosang’er jabaso Wb.Olemmeren Imsong (Yaongyimsen), asür Aowati’er jabaso Wb. Talinungsang (Akhoya) aser Wb. Rendibenba’er jabaso Wb. Yangertoshi (Changtongya) nunger ket nungi temesepba mozü- SP süngjang 798, Nitrosum süngjang 27 aser Khani (Opium) achiba oset apuba Changtongya Town All Ward Union, Watsü Telongjem G.B’s Union aser Arogo tenzüker ajanga rongtokogo.
Iba maparen ya Wb.T. Wapang Jamir, Leacy, Ao Region NSCN/GPRN Changtongya Block, pai anir inyaka liasü. Maneni linük tenzükertem dang Changtongya Town public tenüng nung  All Ward Union, Watsü  aser Arogo tenzükertem ajanga iba ama maparen tajung asoshi pelaba olen iba osang ajanga lemsateper, ta metetdaktsü.
Tarutsü nunga ano maneni iba ama mapa tajung nung nenoki shilem tulu agia asen lima aser Lokti yanglutsü imla-a atar ta All Ward Union, Changtongya Town Mendenbuba Wb. Masanokdang aser Tezülur,  Wb.C.Yanger nati sangdong ka ajanga metetdaktsü.