KDCC-i K. Therie nem tenüngsang agütsür

Dimapur, May 6 (TYO) : NPCC Tir, K. Therie-i anir ketdangpurtem küm ka ajungba atema Kohima District Congress Committee (KDCC)-i parnok nem tenüngsang agütsür, ta General Administration KDCC, Abalie Medoze-i sangdong ka nung metetdaktsü.
K. Therie lenisüba kübok KDCC-i kanga nüma tanga mapa inyaker aser pa lenisüba nung Nagaland nung Congress telok kanga renloker aser longjemdaktsüogo, ta sangdong nung shia lir.
NPCC Tir lenisüba nung aser opposition party ka ama, tanga NPF-i aniba DAN sorkar nung ochimashi, ozüng maliba, sorkar ketdang junga mesütetba aser terenlok maliba indang onüktem Congress-i tuteta sayur. KDCC-i K. Therie aser pa den inyakba ketdangpurtem nem tenüngsang agütsür aser maneni NPCC nungita yaritsü bangjemer, ta Abalie Medoze-isa sangdong nung metetdaktsü.