Madrid Open: Mirza o Hingis na doubles final-i iogo

Madrid, May 06 (Agencies): India tsür, Sania Mirza aser Switzerland tsür, Martina Hingis nati par semifinal asaya koka tang tasayadak Madrid Open tennis asayamong tetsür doubles final asayatsü jenjang tanü, Hokolbar nü ajangzükogo.
Mirza o Hingis nati tanü minute 50 nung points 6-2, 6-0 ngua America tsür, Vania King aser Russia tsür, Alla Kudryavtseva na madak ayong ayonga takok angu.
Indian Wells asayamong tetsür doubles 2 buba round nung Vania o Alla nati Mirza o Hingis na tsükdaktsü saka tanü asaya nungbo Mirza o Hingis nati Vania o Allan a madak takok ngua liasü.
Tan asayamong nung temaba jenjang abener, Mirza o Hingis nati tan asayamong nung 5 buba jenjang abener, France tsür, Caroline Garcia o Kristina Mladenovic na den final nung ajuruteptsü.
Garcia o Mladenovic natia tanü points 6-2, 6-3 ngua Russia tsür, Elena Vesnina o Ekaterina Makarova na mezüngbuba semifinal asaya nung tsükdaktsüba osang jangjaogo.
Mirza o Hingis nati taküm küm tenzüker tanü tashi nung Sydney, Brisbane, Australian Open aser St. Petersburg takok marok agizüka lir.
Ano külen, tebur World No. 1, Novak Djokovic-i Spain nunger Roberto Bautista Agut madak takok ngua tebur singles quarterfinal asayatsü jenjang yashi, Brehostibar nü anguba osang jangjaogo.
Serbia nunger Djokovic-i points 6-2, 6-1 ngua Bautista tsükdaktsüba sülen Canada nunger Milos Raonic den quarterfinal asayatsü lemzükogo.
Raonic-ia points 6-4, 6-4 ngua France nunger Jo-Wilfried Tsonga madak takok ngua quarterfinal asayatsü jenjang angu.
Spain nunger Rafael Nadal-ia  points 6-4, 6-2 agi America nunger Sam Querrey madak takok ngua quarterfinal-i aiba osang jangjaogo.
Taoba mapang Grand Slam takok marok 14 tashi agizüksang, Nadal-i Portugal nunger Joao Sousa den quarterfinal asayatsü lemzükogo.
Sousa-ia points 6-1, 6-7 (3/7), 6-2 ngua America nunger Jack Sock madak takok ngua liasü.
Tetsür singles shilem nung Romania tsür, Simona Halep-ia points 6-3, 0-6, 6-1 ngua külem sensotsür, Irina-Camelia Begu quarterfinal nung tsükdaktsüba osang jangjaogo.
Halep-i Romania tsür, Patricia Maria Tig madak points 6-3, 6-4 agi takok angula, Australia tsür, Sam Stosur den taruba asaya nung ajuruteptsü.