AKM-i Mission Director SSA dang mepishir

Dimapur, May 7 (TYO) : May 1, 2016 nü Mokokchung district nung yipru mopung tesashi süidang school ki aika raksatsü. Iba dak sendakba nung bangdak department nungi ketdangsertem den osangtsüsang metetpeladang school trok (6) kanga mejungi raksaba osang angazüker, ta Ao Kaketshir Mungdang (AKM)-i Mission Director, Sarva Shiksa Avhiyan dangi züluba shidi ka nung shia lir.
Teraksa ajurua aliba school ketdangsertem aser community lennirtemi khen atema class agitsü tesem renema agir, saka kaketshir aser tesayurtem timtem kanga ajurur. Talisa school kar nungbo verandah nung class agir aser ibaji timtem ulura lir, ta AKM Tir, L. Jemti Longchar aser Tongti Tezülur, Bendangkumba Aier nati külem sangdong nung shia lir.
Anungji, tekaratiba nung item school tem yanglutsü mepishir aser department-i iba temepishia agizüktsü imlar, ta AKM mendenpurtemi MD, SSA dangi züluba shidi nung shia lir.