Modi sorkari Cong sorkartem atsüngtoktsü meranger: Manmohan

New Delhi, May 06 (Agencies): Tanü taoba Ato kilonser, Manmohan Singh-i, Narendra Modi’er sorkari Congress-i yimsüsüba state tem nung Congress sorkar atsüngtoktsü meranger, ta aitsü.
Tanü Jantar Mantar nung ‘Save Democracy’ rally alidang Manmohan-i, “Sorkar tashii aruba mapang nungi BJP mission ka dang lir ‘Congress-mukt Bharat’. Parnoki iba ya parnok aolen ajak jembir. Ni Modi sorkar dang ya shinür, Congress ya India’er tanela lir,” ta ashi.
“Congress ya Ganga ayong ama lir. Nai iba tenüng (Ganga) menükjaka mesüra kechi inyakdir inyakaka, tzü ayimbaji memelenshitsü,” ta Manmohan Singh-i ashi said.
“1885 küm (Congress tentetba küm) nungi Congress anema aiben inyaker. Iba party tashi meiti kümdaktsütsü atema nisungtemi inyakogo. Saka parnoki takok mangu,” ta paisa shisem.
Arunachal Pradesh aser Uttarakhand na nung yimtenren tensa raksaba dak sentakba nung Manmohan-i, “State aika nung Congress (sorkar) mali. Saka kongsa (Congress) lidir yangji atsüngtoktsü meranger. Arunachal aser Uttarakhand nung Congress sorkar atsüngtokogo,” ta ashi.
“Modi sorkari democracy anema inyaker. Tang parnoki Congress aliba state tem-Manipur, Nagaland, Mizoram aser Himachal Pradesh nung Virbhadra Singh’er sorkar dak rangloker. Parnoki item sorkar atsüngtoktsü meranger,” ta taoba prime minister-isa ashi.
“Congress nung inyakertemi linük tesem ajaklen Modi’er sorkari democracy tera nungi atsüteter ta osang sangdongtsüla. Onoki parnoki takok mengudaktsütsü,” ta pai ashi.
“Tang university aser court aika kümzüka mali. Iba ya angateta Modi’er sorkar sentongtem tamakok ngudaktsütsüji nenok mapa,” ta paisa nübortem ayongzük.