Kalam indang tanüngba lecture ji kaket tasen ka nung adoktsü

Kolkata, July 29 (Agencies): Hombar aonung IIM Shillong nung taoba mapang linük Tir Abdul Kalam-i kaketshirtem nem lecture tagütsütak nung pa süogo saka pai tembanga mejembitetba lecture ji kaket tasen ka nung adoktsü.

Hombar aonung Kalam-i jembiba ‘Creating a Livable Planet Earth’ onükji lecture ka kija masü, saka pai pa akümli mapang tembanga mezülutetba kaket ka indang subject lir.

“Iba ya kaket ka küma yanglutsü asoshi onoki kanga meranga inyaka liasü. Ibaji mapang talangka nungi pa tebilemba ka liasü, aser pai tesadang kabo züluogo. Pai koba tashi ka zülua lir, ibaji kaket ka küma adoktsü asoshi onoki bilemdagi,” ta Kalam den külemi inyaksemer Srijan Pal Singh-i ashi.

Dr Kalam-i IIM kaketshirtem den jembitsü aliba saka mejembitetba olong 4,000 ji-a kaket nungji inoksemtsü, ta Singh-isa ashi.

Tawa Kalam-i ‘Advantage India’ ta ser Singh den sentepa kaket ka tembanga zülua lir aser iba kaketji taküm sayatsü.