FAN film lendongi iogo, nanglong dokan kati ken o benokner

New Delhi, May 07, 2016 : Bollywood superstar Shah Rukh Khan-i tang tesüsa shilem agia aliba film ji ‘FAN’ lir. Iba film ajanga tenüngsang aika bentsür aruogo aser SRK sapurtemi pa shilem kanga sapua reprangtepdar. Aji oda süaka Delhi nung aliba nanglong dokan kati par dang masüngdangi film nung par brand tenüng amshiba atema FAN film producer tem aser SRK nunger dangi ken o benoktsü atema shiti ka yok.
Indian Express.com osang ajanga ashiba agi, film nung superstar Aryan Khanna ama shilem agisang den ajuruteptsü Mumbai-i aodang SRK-i FAN film nung nanglong pongdang ka bener aoba nguogo. Iba nanglong pongdang nung brand tenüng ‘Ghantewala’ kanga jangja achiteter. Anungji iba nanglong yangluba dokan kibur Sushant Jain-i Yash Raj Films, Aditya Chopra, director Maneesh Sharma, otsü zülur  Habib Faisal aser Sharat Katariya na aser Shah Rukh Khan nunger dangi par brand tenüng masüngdangi amshiba atema ken o benoktsü atema shiti ka yokogo.
Ghantewala kiburi FAN film nung par brand adoka aliba shilem tashi intokdaktsüner, ta kasa osang ajangasa ashi.