Ao Youth Forum Diphupar-i DNYO nem tenüngsang agütsür

Dimapur, May 8 (TYO) : Diphupar Naga Youth Organization (DNYO)-i Diphupar tobur tajungba kümdaktsütsü tema yimtsüng nung alirtem ajungmesoba atema Ao Youth Forum Diphupar-i DNYO nem tenüngsang agütsür, ta AYFD Tir, Merenjung aser Tongti Tezülur, T. Senti Ozukum nati külem sangdong ka nung metetdaktsü.
DNYO-i kiyong lemsar merükmeju mapa inyaktsü tenzükba atema AYFD-i pelar aser maneni ibala mapa inyaktsü ayongzüker. AYFD-isa Diphupar nung alirtem dang yimtsüng tobur tajunga kümdaktsütsü atema yariteptsü mepishir, ta AYFD mendenpurtemisa sangdong nung shia lir.