NPF 21 Tuli A/C senden amen

Dimapur, may 8 (TYO) : NPF 21 Tuli A/C kübok aliba party unit 18-21 mile aser 17th Mile Unit ana May 2 & 3, 2016 anogotem party lokti senden pei unit Senyur kidang liasü.
Unit anaprong senden nung A/C Tir I. Olem Lkr aser pa den külem ketdangpurtem dena liasü aser A/C Tir ajanga party nükjidong aser temzüng kübok lia tashi angatepa inyakyonga aotsü ajungshia liasü.
Tang constituency nung ata-a aliba legislature wabong Amenba Yaden-i Tuli area asoshi nendaka inyaba atema unit office-i pelaba lemsatep. Iba den külemi Naga lima ajungkettsü asoshi tasütait nükla yutetba nübo ka ta ajitetba atema pelar, ta sangdong ka nung metetdaktsü.
Party tashi itta aotsü atema Chief Minister Wabong, T.R. Zeliang aser NPF Tir, Wabong Shurhozelie Liezietsu, lenisüba nung aniba DAN-III sorkar den tashi ajak agi amteper aotsü senden nungsa bangjemtep.