N Korea-i BCC osangbenertem aridok

Seoul, May 09 (Agencies): N Korea lenisang, Kim Jong Un-i anir Pyongyang nung amenba Workers Party Congress senden den sentakba osangtsüsang agitsü asoshi jaokba BBC osangbenertem par linük nungi aridokba osang ka angazükogo.
BBC osangbenertemi prokshiba osang agi temulung masüba ken o nung ajemdaker, Pyongyang-i parnok par linük nungi tanü, Hombar nü aridok.
BBC’er Tokyo correspondent, Rupert Wingfield-Hayes; BBC producer, Maria Byrne aser BBC cameraman, Matthew Goddard nunger taoba Hokolbar nü pua ayuba sülen parnok tanü N Korea nungi aridokba osang jangjaogo.
Angazükba agi, Wingfield-Hayes denbo tasüngdangba sentonga ghonda 8 shi agia liasü.
Nobel sempet agizükertem den aroki BBC osangbener teloki N Korea semdangba osanga jangjaogo.
N Korea nung tan otsüsütsüa amenba Workers Party Congress senden den sentakba osangtsüsang prokshidaktsütsü nükjidong nung N Korea-i jaoker bendanger osangbener nisung 130 rong nung BBC osangbenertemjia densemba osang bushitetogo.