Mkg unit-ia NSSFOF aser ANSTA nungiter

Dimapur, May 9 (TYO): School Education department kübok Higher Secondary nungi Secondary/Elementary balaka razüka aotsü atema NSSFOF aser ANSTA Central, Kohima-i sorkar nem anogo latettsüba nung Nagaland Secondary Field Officers Forum (NSSFOF), Mokokchung District aser All Nagaland School Teachers Association (ANSTA) Mokokchung District-ia pusema nungiter.
Nagaland sorkari mapang latettsüba tsüngda mapa meinyaktet nungbo Mokokchung District kübok NSSFOF aser ANSTA Unit temi NSSFOF aser ANSTA Central, Kohima nati telemtetba agia inyakba nung amalitepa yariteptsü, ta ANSTA, Mkg District, President, L. Imkong Lkr aser NSSFOF, Mkg District President, Lima Aier nati külem sangdong ka nung metetdaktsü.
Nagaland nung Department aser education inyakyim tajungba akümtsü atema sorkari tekaratiba nung iba takhangba agizüka mapa küma inyakang ta ayongzüker, ta sangdong nungsa shia lir.