Kolkata nung arishi küm 24 tain kaketshir ka zükset

Kolkata, May 10 (Agencies) : South 24 Parganas district, West Bengal nung jang auya ta temulung melemi bilemba ajanga arishi küm 24 tain, ITI student ka zükset, ta Mongulbarnü police-i metetdaktsü.
Pa ya Hombar aonung Diamond Harbour tesem nung zükset.
Police-i ashiba agi, Koushik Purakait ya Harindanga, Diamond Harbour-i par kinunger den ajurutepi aruba liasü.
Iba tesem nung alirtemi Purakait-i jang auya ta temulung melemi bilemba ajanga kanga mejungi azük.
“Asür kinungertemi pa zükseter nisung 10 tenüng police nem agütsüogo. Iba dak sentakba nung tang tashi nung police-i ano shinga pua mali,” ta police ketdangser kati ashi.
Asür Purakait tebu-i par jabaso züksetbaji police mapang shitak nung maruba ajanga lir, ta ashi.
“Police mapang shitak nung aru asübo ozü jabaso tang taküm alitsüba asü. Ozü jabaso azü agi yimbanger longtaka lia pa dak azükertemi onok dang tangsa tang sen lakh ka kua ta meshi,” ta tebui ashi.