Twitter nung Sonam Kapoor sülen anidaker million 7 jungogo

Mumbai, July 29 (Agencies) : Bodbarnü Twitter nung Bollywood actress Sonam Kapoor sülen anidaker nisung million 7 jungogo.
Arishi küm 30 tain “Khoobsurat” actress Sonam-i iba alizüng atongba ya lar fans den online nung sensaksema amungtsü ta metetdaktsü.
La indang tesüsaba film ji “Dolly Ki Doli” liasü aser tang lai Salman Khan den Sooraj Barjatiya’er film “Prem Ratan Dhan Payo” nung shilem agitsü. Iba film ya November 12 nü sayatsü.
Sonam-isa India nunger flight attendant Neerja Bhanot indang taküm otsü nung ajemdaker yangluba film nung shilem agitsü tenzükogo. 1986 küm kiralongrartemi Pan Am Flight 73 amakdang Neerja tepset.