Vijender Singh aoksadaktsütsü: Soldra

Bolton, May 11 (Agencies): Poland nunger tsüngteper, Andrzej Soldra-i India nunger professional (Pro) tsüngteper, Vijender Singh madak takok ngua pa tan Hokolbar nü aoksadaktsütsü alizüng ayuba olen ka tanü, Bodbar nü metetdaktsüogo.
“Vijender-i tanü tashi tsüngteper tajung majuruba yong pai takok ngua lir. Ajisüaka, pai par 6 buba tetoktepba nung tamakok ajurua aoksatsü kechiyong Vijender madak takok angutsüji kü tia nung zülua lir,” ta middleweight tsüngteper, Soldra-i ashi.
England northwest tsütsülen Bolton jila nung tentetba Macron Stadium Premier Suite nung Vijender aser Soldra na tan Hokolbar nü toktepa tsüngteptsü renema lir.
Pro tsüngteper akümba sülen tanü tashi nung round 14 tashi tsüngtepa taoba tetoktepba 5 prongla knock out (KO) ajanga Vijender-i takok ngua lir saka tanü tashi nung round 81 tashi tsüngtepdanga alisang, Soldra-i Vijender’er otsüji raksatsütsü terenemshiba agia lir.