Dimapur police-i sen auyar nisung asem apu

Dimapur, May 12 (Agencies) : May 7, 2016 nü BSNL Dimapur Accounts Office nungi parnok office-i memetetba nisung kar aiter sen lakh 10 dak tema auyar aoba osang East Police Station nem agüja liasü.
Anungji iba osang angashiba sülen East Police Station, Officer-in-Charge Mekando Odyuo-i anir iba tatalokba bushisüngdangtsü tenzüka parnoki mita aodang nisung asem apu, ta sangdong ka ajanga metetdaktsü.
Police-i apurtemji asür Ngulho Chakasang’er jabaso Kivelikho Chakasang, asür Dzeiseneizu Sachu’er jabaso Kenizulie Sachu aser Vikram Mukherjee nunger lir.
Parnok asem ket nungi sen 10,16,659/- nguteta lir aser parnok anema case ka benoka lir, ta kasa sangdong ajangasa metetdaktsü