LeT, IS ama kiralongrar telok nung itdangiter anioktsüla: Home Ministry

New Delhi, May 13 (Agencies): Linük telung nung aser linük adener LeT, JeM aser ISIS ama kiralongrar telok anema Home Ministry-i Union Cabinet dang item teloktem nungi miim osangtsüsang angutsü atema item telok nung itdangiter anioktsü atema benokogo.
India amaktsü indang miim osangtsüsang angutsü atema National Investigation Agency (NIA) ama kiralongrar anema inyakba tentet nungi ketdangsertem kiralongrar tentettem nung itdangiter ama anioktsütsüla, ta home ministry osang ka ajanga ashi.
Tang India nunger Research & Analysis Wing (RAW)-i India security dak sentakba intelligence osangtem bendanglen nungi bendener.
NDTV osang ajanga ashiba agi, home ministry-i NIA nem ano tashi tuluba agütsüner aser ministry-i Union cabinet dang ibaji agizüksü atema benokogo.
Union Cabinet-i agizükra iba temepishibaji Parliament nung benoka o lemteptsü.
Kasa osang ajanga ashiba agi, kiralongrartemi bendanglen India nunger Consulates aser Embassy tem amakba ken otemji Home ministry-i NIA nem bushisüngdangdaktsüner.