Lisem nung noksa agi APJ Abdul Kalam tushi

Bhubaneswar, July 29 (Agencies): Lisem agi noksa balala yanglur nüngtugu, Sudarsan Pattnaik-i Mongolbar nü Puri tzüyimküm nung taoba mapang linük Tir APJ Abdul Kalam indang noksa ka yangluogo.
Feet pezü talang lisem noksa nungji, “Tongmelang nisung, Missile Man, Bharat Ratna (angusang), Nüburtem Tir nem akhüm agütsür,” ta zülua lir.
Pattnaik-i ashiba agi, linük nung lisem agi noksa yangluba buloa maliba mapang 2005 küm Kalam-i pa Rastrapati Bhawan-i jaok aser pai pa kanga ajungshia liasü.
“Kalam-i pa indang account nungi sen 3000 indang cheque agütsübaji ni asoshi akhüm tulu liasü. Linük lanurtem ajungmesor, temulungjang tongmelang aser tobur tajung shisatsü alisang, linük Missile Man, Nüburtem Tir tanübo samaogo,” ta pai ashi.