Brazil Tir menden 2019 tashi abentsü akok: Temer

Brasilia, May 14 (Agencies): Brazil Tir, Dilma Rousseff melenzüka, Brazil Tir menden abensang, Michel Temer-i par linük indang lenisütsü menden 2019 küm tashi abentsüsa akümtsü akok ta tanü, Honibar nü metetdaktsüogo.
Ozüng alema linük rongsen ketdangsütsüren aibelena inyakba ken o nung tai tongloktsübaren bentetba jakdang Rousseff Tir menden nungi anogo 180 tashi Brazil’er Cabinet yimsüsürtemi tan hopta tetenzüklen anentsü aser la melenzüka, Brazil Tatong Tir, Temer-i tang Brazil Tir menden benoka lir.
La nem tai tongloktsüba ken o nung lai aibelena mali ta Rousseff-ia metedakja lir aser lai ashiba ama, la asangsang nung aibelena maliba kuli ngutetra, Rousseff-i ita 6 tsüngda nung Brazil Tir menden tanaben abentsü maongka angutsü.