3 buba Ashes Test: England-i Australia madak 1 buba asaya kokogo

Birmingham, July 29 (Agencies): England bowler, James Anderson-i runs 47 agüja wicket 6 tashi agiba yong par England teloki Australia madak takok ngua 3 buba Ashes Test asaya indang mezüngbuba anogo nung takok nguogo.
Anderson-i wicket 6 agiba den külemi, külem asayar, Stuart Broad aser Steven Finn natia wicket anana agia tanü takokbaji bener arutsü.
England asayartemi kanga junga asayaba yong Australia asayartemi runs 136 dang yangluteta parnok ajunga overs 36.4 nung asayadak temaleni tukutsüsa jenjang tamajung ngua liasü.
Tanü asaya nung Chris Rogers-i dang runs 52 tashi yanglua par Australia telok tenüng nung junga asayaba yong par teloki tamakok ajurutsüsa aküm.