May ita atema Kohima DPDB senden amen

Dimapur, May 16 (TYO) : May 16, 2016 nü Kohima District Planning & Development Board senden amen aser May ita atema sendenji Vice Chairman DPDB & Kohima Deputy Commissioner, Rovilatuo Mor, IAS lenisüba kübok amen.
Senden nung Social Welfare & Parliamentary Affairs Minister, Kiyanilie Peseyie, Forest Minister, Neikesalie Nicky Kire, PWD & Housing Parliamentary Secretary, Er. Levi Rengma, NSMDC Chairman, Dr. Neiphrezo Keditsu aser MLA VikhoYoshu nungertem aden.
Taoba senden nung jembiba onüktem meyipa reprangshidang, DPDB Kohima kübok Adoption Committees Convenor temi parnoki inyakba action plan osang metetdaktsü.
Senden nungsa Society tem Registration indang onük benoka olemtepdang, Screening Committee ajanga society pungu registration asütsü temelaba agütsü aser taruba DPDB senden amenba sülen District Disaster Management Authority (DDMA) senden ka amentsü telemtetba agi.
Tanü senden nungsa June 4, 2016 nü Secretariat Road nungi Assembly Secretariat tashi lokti nübodoka mapa inyaktsü aser iba mapang yaküm Kohima DPDB-i inyakba ama süngdongtem atemtsü lemtet.
Iba mapa ketdangsütsü atema luden ka shim aser iba nung Convenor, ADC Kohima, Lithrongla shim aser DFO Kohima (Member Secretary), Kohima DHO, DAO aser EE Irrigation nungertem züngsem asütsü shima liasü.
Senden nungsa Parliamentary Secretary, Er. Levi aser Minister Nicky Kire nati o jembi.