Mirza o Hingis nati Rome Open takok marok agizükogo

Rome, May 16  (Agencies): India tsür, Sania Mirza aser Switzerland tsür, Martina Hingis nati Russia tsür, Elena Vesnina aser Ekaterina Makarova na madak final asaya koka Rome Open tennis asayamong tetsür doubles takok marok yashi, Deobar nü agizükogo.
Mirza o Hingis nati yashi points 6-1, 6(5)-7, 10-3 ngua final asaya akokba sülen tan mezüngsüa Rome Open takok marok agizüker aküm.
Tan asayamong nung temaba jenjang abener, Mirza o Hingis nati taküm 2016 küm tenzüker tan agi takok marok 5 buba agizüker lir.
Tenati asaya 41 tashi atonga akokba otsü taküm February ita yangluba sülen tan mezüngsüa takok marok agizüker lir.
Ano, tang takok marok agizükba ya tenati aroki lungjemer asayatsü tenzüker tanü tashi nung takok marok 14 buba agizüker lir.