Helder Postiga Atletico de Kolkata telok nung anioksemogo

Kolkata, July 29 (Agencies): India nung asayaba tongti football asayamong, Indian Super League (ISL) defending champions, Atletico de Kolkata (ATK) teloki par telok tenüng nung tongti shilem agidaktsütsü nükjidong nung Helder Postiga anioksemogo.
Arishi küm 32 tain Postiga-i par Portugal linük tenüng nung World Cup asayamong 2 aser European Championships 3 tashi nung shilem agiba den külemi, par teloki Euro 2004 final akoktsüsa tongti shilem agiba osang bushiteta lir.
Postiga-i taoba mapang nung Porto, Valencia, Lazio, Sporting Lisbon aser Tottenham Hotspur telok tenüng nung shilem agiba osanga jangjaogo.
“Postiga densemba ajanga ATK-i taküm October ita nungi tenzüka asayatsü ayongba 2 buba ISL asayamong nung takok tulu ngua shilem agitsü imlar,” ta ATK head coach, Antonio Lopez Habas-i tanü metetdaktsü.
“Tanüngba ATK asayartemia Postiga nungi tasa tajung aika shizüktsü aser pa densemba ajanga ATK pusemertema tzüra atemtsü,” ta pai ashi.
“ATK telok ajunga tenüng nung ozü tongti asayar, Postiga pelashishia agizüker,” ta ATK kibur, Sanjiv Goenka-ia metetdaktsü.
Striker shilem asayasang, Postiga-i football asayatsü tenzüker tanü tashi nung asaya 448 nung shilem agidang, ajak agi goal 101 tashi takok ngua agütsüba osang bushiteta lir.