India’er Test Cricketer tambotisang, Shodhan süogo

Ahmedabad, May 16 (Agencies): India’er Test cricketer tamboitsang, Deepak Shodhan arishi küm 87 lia asüba osang jangjaogo.
India kübok Ahmedabad yimti nung alir, Shodhan dak tepokpok cancer aliba osang taküm February ita putet aser pa iba tashidak agi shiranga asü.
Tesüiba mapang Baroda aser Gujarat na tenüng nung cricket asayasang, Shodhan-i taküm alidang India tenüng nung Test cricket asaya 3 tashi nung shilem agi aser innings 4 nung runs 110 tashi agiba osang bushitetogo.
Pai taküm alidang first-class games 43 nung shilem agia, ajak agi runs 1,802 yanglu aser wicket-a 73 tashi agia liasü.
Asür Shodhan-i mezüngsüa Test asaya Pakistan telok den 1952 küm December ita asaya aser iba asaya nung pai runs 110 tashi yanglua, mezüngsüa asayaba Test asaya nung century yanglur mezüngbuba India asayar aküm.