Uber Cup: Saina-i aniba India teloki Australia telok akok

Kunshan, May 16 (Agencies): India’er tetsür badminton asayar mongin, Saina Nehwal-i aniba India teloki Australia madak points 5-0 agi takok ngua tang tasayadak Uber Cup badminton asayamong nung tanü, Hombar nü shilem agiogo.
India kübok New Delhi nung tesüsa asayaba Uber Cup asayamong nung bronze medal agizüker India teloki tanü singles asaya 3 prongla akokba den külemi doubles asaya anaprongla nung takok ngua liasü.
Tetsür World No. 8, Saina-i points 22-20, 21-14 agi World No. 74, Hsuan-Yu Wendy Chen madak takok ngua India points 1-0 agi temaba jenjang nung ajungkettsü.
Taoba mapang World Championship bronze medal anaben tashi agizükla, PV Sindhu-ia minute 25 nung Joy Lai tsükdakja par India maneni points 2-0 agi temaba jenjang kümdaktsü.
Tetsür doubles asayar, Jwala Gutta o Ashwinin Ponnappa natia minute 28 nung points 21-9, 21-15 ngua Wendy o Gronya Somerville na madak takok ngua India telok temaba jenjang nungi ajungkettsü.
Tesülen, South Asian Games gold medallist, Ruthvika Shivani Gadde-i Tiffany Ho tsükdaktsüba den külemi, Sikki Reddy N o Sindhu nati Leanne Choo o Joy Lai na madak takok ngua asayaba ajanga par India teloki points 5-0 agi Australia madak takok nguadok.
India teloki par taruba Group D asaya Germany telok den asüng, Mongolbar nü asayatsü.