Italy nunger kati tetong tepset

Milan, May 18 (Agencies) : Milan yimti anasa arishi küm 33 tain tebur kati tesüiba mapang tetong asüba, arishi küm 23 tain tetsür ka kotari agi tsüngsetba sülen pa sasa tsüngseta asütsü merang.

Basilicata anülulentip tsütsü alir Arturo Saraceno-i tetong tena tesüiba mapang külemi aliba ki, Magnago nung tetsürlaji tepser külen pa sasa pa temulungjang nung kotari setoker lia mozü kidangi anir ao.

Pa dak kotari metsüngok tsüngda tena mangatettep kar adoka Saraceno-i tetong temang nung kotari agi 15 ben atsüng.

Emergency service tem lendong osang angashia kidangi arudang pa kishi ansa tango junga mesashiteti longdaker liasü. Iba kidang ya tena küm pezü liasü.

Saraceno tetongji kidangertem mezüng angu aser doctortem la süogo ta kidangjisa osang agütsü.

Saraceno aser tetong na ya teti raratepa dang liasü ta kidangertemi ashi. Tena ya taoba hopta tu pilatsü bangjemteper liasü.