New Delhi/Beijing, May 18 (Agencies): Tir Pranab Mukherjee-i May 24 nungi 27 nü tashi China semdangtsü aser iba mapang nung pai China lenirtem ajurua senden amentsü, ta Foreign Ministry osang ka ajanga metetdaktsü.
China nung Tiri India nunger 3,000 dak tema den jembitsü aser India-China Business Forum nunga jembitsü.
India tekolak kati küm trok nung tang mezüng China semdanger asütsü.
May 25 nü Beijing nung Chinese People’s Friendship Association for Foreign Countries (CPAFFC) nung Tir adentsü.
May 26 nü China Tir Xi aser Ato kilonser, Li Keqiang na densema China lenirtem den jembiba sülen May 27 nü India-i meyipa arutsü.
China-i India linüki JeM chief Masood Azhar anentsütsü atema UN nung akhangba maparen nokdangba mapang ka nung Tiri China semdangtsü, iba mapang nung linük ana tsüngda tesentaktep onüktem jembitsü.
2014 küm China Tir, Xi-ia India semdanga liasü.
Maneni taküm September 4-5 nungi G20 lenirtem senden nung adentsü atema Ato Kilonser, Narendra Modi-ia China yiomti, Hangzhou semdangtsü.
Tir Mukherjee CPAFFC nung adentsü added by nungsang on
View all posts by nungsang →
You must be logged in to post a comment Login