Special Olympics: Pak-i medal 3 agizükogo

Los Angeles, July 29 (Agencies): Pakistan asayartemi gold 1, silver 1 aser bronze 1 densema ajak agi Special Olympics medal 3 tashi tanü Bodbar nü agizükogo.
Pakistan nunger Asim Zar-i 100m freestyle tzüwatsü shilem nung par linük asoshi mezüngbuba gold medal agizüka liasü.
Zar-i agizükba gold medal ya Special Olympics asayatsü tenzüker tanü tashi nung Pakistan-i mezüngbuba gold medal agizüker lir.
Autism tashidak aketsang, arishi küm 27 tain Zar-i 2007 küm China nung ayongba Special Olympics nunga 400m asemteptsü aser long jump tetoktepba na nung silver medal 2 tashi par Pak asoshi agizüktsüba osang bushiteta lir.
Aqsa Ahmed Janjua aser Salman Siddiqui natia tetsür 50m freestyle relay silver aser tebur 500m time trial cycling bronze medal tanü agizüka liasü.