Sreesanth, Chavan & Chandila nunger nungi life ban magiener: Anurag

India'er cricket asayar, Ajit Chandila (Abelen), S Sreesanth (Tiyongtsü) aser Ankeet Chavan nunger anema benokba IPL 2013 spot-fixing ken o Delhi okadaki tan July ita 25 nü agien saka BCCI-i par asem nem agütsüba temerenshi magientsü telemtetba ka agishiogo. — India’er cricket asayar, Ajit Chandila (Abelen), S Sreesanth (Tiyongtsü) aser Ankeet Chavan nunger anema benokba IPL 2013 spot-fixing ken o Delhi okadaki tan July ita 25 nü agien saka BCCI-i par asem nem agütsüba temerenshi magientsü telemtetba ka agishiogo.

New Delhi, July 29 (Agencies): India nunger cricket asayar, Shanthakumaran Sreesanth, Ankeet Chavan aser Ajit Chandila nunger nem taoba mapang agütsüba ama, taküm tepiyong cricket masayadaktsütsü temerenshi mapa küma benshitsü lemtetshiba osang ka Board of Control for Cricket in India (BCCI) General Secretary, Anurag Thakur-i tanü Bodbar nü metetdaktsüogo.
“Sreesanth, Chavan aser Chandila nungeri Indian Premier League (IPL) den sentakba spot-fixing ken o nung aibelena mali,” ta shia, Delhi nung tentetba okadak kati par 3 taoba hopta metensü saka BCCI-i parnok nem agütsüba temerenshi magientsü renemer lir.
“Okadaki oda metentsüba aser ken o angdangba sülen aibelena maliba kuli tejangja bushitetbaji khen yongi balala lir. okadaki oda metentsüba ajanga metpuri aibelena mali ta angatettsüji shitak masü, anungji Sreesanth, Chavan aser Chandila nunger nem agütsüba temerenshi magientsü asoshi BCCI-i lemtetshiogo, ” ta Anurag-i osang jangjashitsü.
Paisa ashiba agi, BCCI-i temerenshi agütsütsü asoshi agiba telemtetbaji okadaki agütsüba o bendang den sentaktepa mali.
Ano külen, “BCCI ajanga alimai ni meteta aküm anungji, ni BCCI telemtetba anema mera magitsü,” ta Sreesanth-ia metetdaktsüogo.

Sreesanth, Chavan & Chandila nunger nungi life ban magiener: Anurag added by nungsang on July 30, 2015
View all posts by nungsang →