Renato-i Ronaldo’er Portugal otsü ajangtetogo

Lisbon, May 19 (Agencies): Portugal midfielder, Renato Sanches-i par Portugal team tenüng nung toktepa shilem agitsü jenjang anguba sülen Portugal nunger football asayar mongin, Cristiano Ronaldo-i taoba mapang ajangzükba Portugal telok tenüng nung asayar tanübotisang akümba otsü ajangtetogo.
Tawa Bayern Munich telok nung züngsemsang, Renato-i Euro 2016 asayaba mapang tashi nung arishi küm 18 ser ita 10 tain akümtsü aser ibaji ajanga arishi küm 19 ser ita 4 tain alidang Euro 2004 nung shilem agitsü asoshi shimsang, Ronaldo-i ajangzükba otsü ajangtettsü.
Taküm agi Portuguese Primeira Liga takok marok tasembuba atonga akoker, Benfica telok nung Renato-i kangasa junga shilem agiba sülen dollar sen million 35 agi pa nübo alizükdakja, Renato-i Germany nung tentetba Bayern telok nung züngsemogo.