Anil Kapoor-i ‘Family Guy’ nungi mezüngbuba ‘avatar’ saya

Mumbai, May 20 (Agencies) : Hokolbarnü Anil Kapoor-i Twitter nung “Family Guy” ta ser adult animation show indang avatar sayu.

Iba season indang tatembangba sentong nung Anil Kapoor-i guest star ka ama shilem agitsü aser pai Twitter nung oa pa indang cartoon avatar sayu.

Noksa nungji Anil indang nüngtugu bangsemo keta lir aser tenarong achijilen earring ka anoa lir.

‘FamilyGuy’! nung kü indang mezüngbuba avatar, ta noksa denji ozülu ka Anil-i sangdong.

Taoba mapang Anil Kapoor-i “Slumdog Millionaire”, “24” aser “Mission: Impossible – Ghost Protocol” film tem nung shilem agiogo.

Kasa noksaji ‘Family Guy’ indang official Twitter page nunga sayu aser parnoki “Anil Kapoor-i tan Deobar ‘Family Guy’ season finale nung shilem agir. Reprangang” ta zülua lir.

“Family Guy” nung taoba mapangtem nunga Brad Pitt, Matthew McConaughey aser Liam Neeson nungeri guest star ama shilem agiogo.