Kohima DC-i nung gari lenmang meraksatsü tuyur

Dimapur, May 20 (TYO) : Kohima Deputy Commissioner aser District Magistrate, Rovilatuo Mor IAS-i Kohima district kübok public roads/highways raksatsüsa mapa kecha meinyaktsü tetuyuba ka agütsüogo.

Iba tetuyuba ya TCP point nungi IG Stadium aser ‘carpeted roads’ tasen ajak atema lir. Aibelenertem ozüng tapet agi merenshitsü, ta DC-isa metetdaktsü.

Nübortemi lenmang nung gari shidokba, lung, lisem, lungro, süng, aou, ali ayuba inyakyimtem ajanga public roads /highways raksatsüba aser kilentzü aodak nembangba ajiteta Kohima DC-i iba tetuyuba agütsü.