Taoba union Minister Thungon tepoukdaki yokogo

New Delhi, July 29 (Agencies): 1998 küm ochimashi ken o nung taoba Union minister P.K. Thungon küm ser tesadang (ita 54) tepoukdak ayutsü asoshi Hombarnü New Delhi nung special court kati obendang agütsüogo.
Special Central Bureau of Investigation Judge Ajay Kumar Jain-i Narasimha Rao’er sorkar mapang Minister of State for Urban Development & Employment Thungon dang senchi 10,000 agütsütsü tuyuogo.
Court-isa aibelener ana- C. Sangit aser Tali A.O na ita 42 tepoukdak ayutsü tuyuogo, iba den Mahesh Maheshwari-a ita 30 tepoukdak ayutsü obendang agütsüogo.
CBI-i Thungon anema ano ken o pezü anüngdaka lir asünungji pa temerenshi tuluba agütsütsü benoka liasü.
Ajisüaka Thungon asoshi okatsüri, pa arishi küm 68 aser low pressure agi shirangba den tenük majung ta shia taochi meshitsü.
Defence counsel jagi, Thungon kinüngtsüji tashitak aika ajanga shiranger aser brain stroke khen sür asünungji tanen makai teyari nüngdaker, ta ashi.
Nagaland nung irrigation project atema senotsü nung ochimashiba ken o nung Thungon den tangartemji aija liasü.