Uber Cup: India tsürtemi bronze agizüktsü jenjang angu

Kunshan, May 20 (Agencies): India’er tetsür badminton asayartemi par semifinal asaya nung China tsür madak takok monguteti tang tasayadak Uber Cup badminton asayamong indang bronze medal ang agizüktsüsa jenjang tanü, Hokolbar nü nguogo.
China tsürtemi tanü points 3-0 agi India tsürtem madak takok ngua tan asayamong final asayatsü jenjang angu.
India teloki tan agi Uber Cup asayamong bronze medal tanabuba agizüktsü jenjang angur lir.
Tanü asaya nung China tsür, Li Xuerui-i points 21-15, 12-21, 21-17 agi Saina Nehwal tsükdaktsüba sülen Wang Shixian-ia points 21-13, 23-21 agi PV Sindhu madak takok ngua par China points 2-0 agi India den temaba jenjang nung ajungkettsü.
China’er doubles asayar, Tian Qing o Zhao Yunlei natia points 21-6, 21-6 ngua Jwala Gutta o Sikki Reddy na madak takok anguba ajanga China teloki tanü asayaji akoktsü jenjang nguadok.
Tan asayamong nung temaba jenjang nung alir, China tsürtemi Korea mesüra Japan na rong nung ka den final asayatsü.