PHQ nung merükmeju mapa inyak

Dimapur, May  21 (TYO) : Swachh Bharat Mission nung shilem ka ama PHQ, Kohima nung staff aser ketdangser ajaki Honibarnü lokti nübodoka merükmejuba mapa inyak.
Tsüngsang mejungaka tanep 10:00 ako nungi nikongtsütsü 1:00 ako tashi mapa inyaka liasü.
Mapa tembangba sülen senden tatsüka amendang ADGP (Law & Order) Rupin Sharma, IPS-i shilem agirtem ajak dang pelaba metetdaktsü.
Paisa, staff aser ketdangsertem dang, maneni Swachh Bharat Mission temulung nung yur temelenshi bener arutsü ayongzük.
Iba mapa ya mapang shia inyaktsü ta nisung ajaki mulunga agizükogo, ta PRO, PHQ, M. Tungoe, IPS-ia metetdaktsü.