Kohima nung Para Legal Volunteers training tenzükogo

Kohima, May 21 (TYO) : Nagaland State Legal Services Authority (NSLSA)-i ayongzüka SIRD Conference Hall, Kohima nung Para Legal Volunteers (PLVs) anogo ananü training tenzükogo.
Iba workshop nung Juvenile Justice System, Women & Law aser PLVs indang teinyaktsü aser tebilemtsü khurettem indang onüktem asoshi tesayuba agütsü.
Gauhati High Court nung Judge aser Executive Chairman, NSLSA, Justice Nishitendu Chaudhury-i tanü sentong nung districts ajak nung adenshiba PLVs dang, ozüng aser nübortem tsüngda apuji nenok lir, ta tayongzükba agütsü.
Legal services mpa ketdangsüa inyakertemji PLVs lir aser maneni tangar ajungmesotsü atema mapa inyakang, ta Justice Nishitendu-isa ayongzük.
PLVs atema NSLSA nungi Master trainer, Alemwapang Ao-i o jembidang ashiba agi, April 25, 2010 nung PLVs tenzük aser iba ya yimtsüng tia nung alirtem tonga oa ozüngdak sendakba maparen inyaktsü atema tenzük.
FIR, TIR aser RTI amala benoktsü tesayuba agütsütsü atema PLVs tenzük, ta Alemwapang-isa shisem.