Kvitova-i mezüngnü asaya kokogo

Paris, May 22 (Agencies) : French Open mezüngnü asaya nung makoktsü amai khen akümba mapang Petra Kvitova-i tejashi marem Philippe Chatrier Clay Court nung la indang racket tashi-i ondaktsü.
Deobarnü tzünglu alua asayaba mapang anaben Wimbledon champion abenla, Kvitova-i Montenegro nungi world no 59 makoktsü amai khen aküm, ajisüaka lai kanga meranga asayaba ajanga 6-2, 4-6, 7-5 agi takok angu.
Teburtem asayaba mapang world no 17, Nick Kyrgios-i pa tejashi marem ball shia agütsür ka dak arongloktsüba ajanga pa nem warning agütsü, ajisüaka arishi küm 21 tain, Australia nunger, Nick-i 7-6 (6), 7-6 (6), 6-4 agi Marco Cecchinalo madak takok ngua tanabuba round-i iogo.
Ano Japan nungi world no 5, Kei Nishikori-i Italy nunger Simone Bolelli madak 6-1, 5-4 aser United States nungi world no. 23, Jack Sock-i Netherlands Robin Haase madak 6-3, 7-5, 3-6, 2-1 ngur lia tzünglu agi jangjungba ajanga asaya ana ya tom nung anen.
World no 24 Anastasia Pavlyuchenkova-i Sara Sorribes Tormo madak 6-2, 6-0 ngua akokba ajanga iba asayamong nung la mezüng tanabuba round-i ai.