Manipur nung telungpurtemi Assam Rifles 6 tepset

Imphal/New Delhi, May 22 (Agencies): Deobarnü Manipur, Chandel district kübok Joupi yim nung aliba 29 Assam Rifles battalion headquarters nungi kilometer 15 shi pila oor Hangshi nung CorCom (Coordination Committee) telungpurtemi mendanger amakdang Junior Commissioned Officer (JCO) ka aser sepai pongu tepsetogo, ta osang angazükogo.
JCO den sepaitemji anentsüh aluba tesem semdanger meyipa arudang tanü nikongdang 12:30 ako meta Hengshi aser Tuiyang yim na tsüngda makdaktsü.
Telungpurtem jagi AK prangpong pezü, INSAS Rifle ka aser LMG rifle ka bener ao.
Bomb aika pokdaktsür CorCom ya Manipur nung Kangleipak Communist Party (KCP), Kanglei Yawol Kanna Lup (KYKL), People’s Revolutionary Party of Kangleipak (PREPAK), Progressive faction (PREPAK-Pro), Revolutionary People’s Front (RPF – People’s Liberation Army – PLA political wing), United National Liberation Front (UNLF) aser United Peoples Party of Kangleipak (UPPK) nunger lokteper tenzükba telok ka lir.

Rajnath-i Manipur nung telungpur anema inyaktsü tuyu

Manipur nung AR sepai trok tepsetba osang angazükba sülen tanü Union Home Minister, Rajnath Singh-i security forces dang sepaitem tepsetter kiralongrartem anema temerenshi tulu agüjang, ta tuyuogo.
Singh-i Union Home Secretary,  Rajiv Mehrishi aser security nung tongti ketdangsertem den iba tensa asadanga liasü, ta ketdangsertem osang ajanga ashi.
Home minister-isa Assam Rifles Director General dang iba tensa indang metetpelaa liasü.
Telungpur telok ana mesüra iba dak tali senteper amak südi ta mulung malemer.
Iba tesem jagi sepai tali yoksemogo aser telungpurtem mita toudak lir.
Yaküm küma kasa district nung NSCN(K) teloki army 18 tashi tepseta liasü.