Kohima nung anentsüh ajanga teraksa bener arutsür

Kohima, May 22 (TYO) : Taoba anogo asemnü tashi Kohima nung tzünglu kanga aruba agi tesem kar nung anentsüh lendong ataloka ki ka raksaba den public approach road ka anenbangba osang angazüker.
Deobar anepdang 10:30 ako meta Kezieke colony nung retaining wall ka chirepa azüklen menden ana amentepa atuba ki ka anenbang ta ketdangsertemi metetdaktsü.
Iba lendong nung kibong pungu aliba ki nung taktang 6 raksa, saka nisung yiruyibong mesüra asüba osangbo kecha maliasü, ta Kezieke Welfare Board-isa metetdaktsü.
Anentsüh ajanga Baptist College, Kezieke aser Kohima village aser jila sendaktepba gari lenmang anenbanga lir aser lenmangji lapoktsü atema mapa inyakdar, ta osang angazüker.