Advani-i Snooker otsü tasen yanglur

Abu Dhabi, May 23 (Agencies): India nunger cueist, Pankaj Advani-i Asian 6-Red Snooker takok marok agizüka, otsü tasen yangluogo.
Advani-i tan takok marok agizükba sülen alima ajunga nung 6-Red Snooker tetoktepba indang world aser continental naprongla indang takok marok agizüker mezüngbuba asayar küma, otsü tasen yanglur lir.
Taoba mapang IBSF World Six-Red Snooker Champion anaben tashi akümsang, Advani-i points 7-5 agi temaba jenjang nung alir, Malaysia nunger Keen Hoh Moh final asaya nung tsükdakja takok marokji agizük.
“Ni tan mezüngsüa Asian snooker championship takok marok agizüker lir. Kasa küm nung Six Red takok maroka agizüktsü maongka anguba atema kanga pelar,” ta Advani-ia metetdaktsü.
Advani lenisüba kübok Aditya Mehta, Manan Chandra aser Kamal Chawla nunger densemba India’er team-i maneni tan asayamong nung toktepa shilem agitsü.