Central Nagaland Tribes Council-i aitsür

Dimapur, May 23 (TYO) : Dimapur nung Sovima yimtak May 21, 2016 aonung Nagaland Home minister, Wb.Y.Patton’er jabaso Jackson Patton’er kidang mejangjatetba nisungi prangpong injang katoka amokmerener license aliba prangpong ana tashi bener aoba mapa tamajungji aitsür ta Central Nagaland Tribes Council-i metetdaktsüogo.
Tang ama ajaki yimjung yongyaa ataba mapang ka, iba ama nisung tsübudakja kiralongraba mapa inyakbaji aitsür aser tekaratiba nung item ama ozüng raksartemji pua tapet mapa inyaktsüla ta CNTC-isa takangba ka agütsüogo.