Temeimi aniba : Efesa 5: 1-14

Khristai kechi koda nenok meim aser teronem tanang atema tenla ama Tsüngrem nem nenok asoshi peisasa bendanga agütsü, yamaji nenoki temeim nung jajaang. Efesa 5:2

Asenok ajaki asenok taküm nung mapa ajak azüokner. Tsüraburtemi tanurtem azüoker. Tesayurtemi school tanur azüoker. Shishilembari tajangzük aser tesama azüoker. Tanurtem kazütsü azüoker. Gari anishiri gari azüoker.

Khristan ka ama asenoki Tsüngrem temeimi asenok azüoka anidaktsüner. Tsüngrem aser Pa nüburtem tsüngda nung temeim talentep tulu Kechiaser asenok asoshi Pai pei chir Yisu Khrista kangki nung bendanga agütsü. Tamang ajanga iba temeim tesendaktepji agizüker aser melenshidaktsür. Shirnok Khrista nung joko pei asoshi taküm malitsü, saka Tsüngrem asoshi alitsü mulungteter. Bendanga agütsüba temeim jagi Khristan taküm jakla sayur. Tang asenok Khrista temeimji asen taküm aser mapa nung Tsüngrem ain lir. Khrista temeimji Pa arogo temeshiba nung anitsü aser meshitetta yimsü asütsü Tsüngrem ain lir.

Temeim taküm nungji memerük, memeshiba aser pei atema dang bilemba kecha mali. Iba taküm nung Tanela Temeshi ajanga ajaki angutsüsa tajung, temeshiba aser ochi temai adokdaktsür.

Ken ka nung leplazü ama, alimaji temeim nung lungdaktsür. Khrista temeimi alimaji alunger. Meimtsü  tashi aser azüoktsübaji Tsüngrem nungi arur. Pai tama meim nung asenoki meimer. Ne temeimi onok anitsü Tsüngrem temeimi  Ne temeim o den sendaktepdakjang, Yisu tenüng nung. Amen.