Dimapur nung samaba Tata Mobile gari ka angu

Dimapur, May 25 (TYO) : May 3, 2016 nü Dimapur kübok Zeliang colony, Burma Camp nungi samaba Tata Mobile gari ka tanü Kohima police-i ngutetogo, ta Sub-Divisional Police Officer (South) & PR Kohima-i sangdong ka nung metetdaktsü.

Nagaland-Manipur arrtsü anasa Khuzama nung garage ka nung Tata Mobile (NL-01K/6866) gariji angu. Iba dak sendakba nung East P.S Dimapur nung ken o ka benoka aliba agi, gariji Dimapur Police ket nung agütsüogo, ta Kohima Police sangdong nung shia lir.