Sonowal-i NRC state coordinator office semdang

Guwahati, May 25 (Agencies): Assam Chief Minister, Sarbananda Sonowal-i Bodhbarnü National Register of Citizens atema state coordinator office semdang aser NCR update asüba indang osang metetpela.

Yashi Sonowal-i Chief Minister inyaktsü tenangzükba agiba sülen state sorkari NRC maparen nung takokba tashi yariteptsü ta metetdaktsü.

Tanü NRC state coordinator, Prateek Hajela-i chief minister dang osang metetdaktsü. Iba sülen Sonowal-i osangbener den jembidang ashiba agi, pai Hajela dang par sorkari tashishitsü maketba aser tejangja NRC aginür aser iba atema yariteptsü ta shiogo.

“Assam nung nisung 40,000 den tema NRC atema anüngdang aser aonung metitemi mapa inyakdar. Ni parnok dang nendaka inyaktsü ayongzükogo aser updation mapa onoki pusema nungiter” ta paisa shisem.

Tanü Chief Minister den Chief Secretary Vinod Kumar Pipersenia, Additional Chief Secretary T Y Das, Home Commissioner aser Secretary L S Changsan nungertem liasü.