GPS Managing Committee-i Science tesayur ayur

Dimapur, May 26 (TYO): Dimapur nung 1942 küm Govt. Town  Primary School ta ser lapokba school ka 2011 küm state sorkari class 8 tashi tutsü saka tesayur peria meyoktetba ajanga School Managing Committee purtemiang science tesayur shima ayutsüsa kümogo.

Iba school ya United Colony, Dimapur nung lir aser taküm 2016 küm class A nungi 8 tashi nung school tanur ajak agi 919 lir. Ajisüaka, class 6,7 aser 8 sayutsü asoshi science tesayur maliba ajanga tanur 258 akoksatsü alinung, School Managing Board nung alirtem shia sen meyirijang kaka sarur science tesayur ka bushia ayutsü lemtetogo.

Iba amaji parnok tenla agi school anepalua alidang, memenui School Education department-i science tesayur shima yokdaktsüner ta sangdong ka ajanga School Managing Committee nung mendenbuba Wb. L.Temjenmeren Jamir-i metetdaktsüogo.