Mangkolemba SDPDB senden ayonger

Dimapur, July 30 (TYO): Ita shia amenba Mangkolemba Sub-Divisional Planning and Development Board (SDPDB) senden August 05, 2015 nü ADC office nung amentsü, aser iba senden nung taruba Independence Day benjungmung atema programme aser mapalem dak sentakba o lemtep akatsü, ta Mangkolemba ADC office sangdong ka ajanga tanü metetdaktsü.
Official temetetdaktsüba ka ajanga Mangkolemba ADC-i office balala nung tekolakpur shirnoki department osang aser employees data base magütsüi ali, parnoki August 03 nü tashi nung mesüra iba anogo matongdang tongtsütsü metetdaktsüogo.
Kasa temetetdaktsüba ajangasa Head of Offices, NGOs, kaketshir lenirtem, Ward Chairman tem aser Gaon Bora tem ajak iba senden nung medema arua adentsü metetdaktsüogo.