Alongtaki nung NPF-i “Mission Re-Strengthen” sentong agi

Dimapur, May 28 (TYO) : 30 Alongtaki A/C NPF party ketdangpurtem den NPF Youth Wing, Farmers Wing aser Women Wing lennirtem “Mission Re-Strengthen” omen nung ajemdaker anogo ana touring sentong ayongzüka agi.
May 24, 2016 nungi tenzüka agiba sentong nung ketdangpurtemi Unit ajak den ajurutepa senden amen aser iba mapang parnoki Dr. Shurhozelie, Chief minister T.R Zeliang aser Dr. Benjongliba Aier nunger lenisüba kübok anidaktsü bangzünga renem.
Tarutsü anogotem nung Youth Wing, Women Wing aser Farmers Wing nungeri CSS, State Implemented Programmes aser tanga Flagship Programmes kübok awareness sentongtem ayongzüka agitsü metetdaktsü.
Unit balala sema senzüba telokji 30 Alongtaki A/C In-charge, NPF Mokokchung division, Limakumba Imchen, President, 30 Alongtaki A/C; Mr. N. Bendang Longchar, General Secretary, 30 Alongtaki A/C lenisüba kübok Youth Wing, Women Wing aser Farmers Wing ketdangpurtem liasü.