Kirsten Dunst o Jesse Plemons na medemer

May 31, 2016: Spider-Man star, Kirsten Dunst la tedong Garrett Hedlund den küm pezü medema aruba sülen tawa pilaogo aser ano la tebur tasen ka den medemba osang angazüker.
Deobarnü (May 29, 2016) Kirsten o ‘Fargo’ nung co-star, Jesse Plemons na külemi angu aser tena tebang meseptep, ta JustJared.com osang ajanga ashi.
Jesse aser Kirsten nati TV Crime drama nung kinüngbu aser kinüngtsü Ed aser Peggy Blumquist ama shilem agia liasü.
Tamalen ‘Breaking Bad’ actor, Jesse-i, Kirsten den külemi inyaksemtsüji jangratemtsüka ta jembia liasü.
New York nung 2015 küm October ita nung 2015 PaleyFest nung Fargo atema interview agidang Jesse-i, “Ni mapang talangka Kristen indang mapatemji meimer, aser ni a khen ajurudang ni kanga pelaa liasü aser la ya jangartem,tsü nisung ka lir,” ta embia liasü.
Arishi küm 34 Kirsten aser Garrett na taküm April ita nung pilaba sülen hopta ishika tsüngda la Jesse den medemer ta osang angazüker.