Admiral Sunil-i Navy Chief mapa agizükogo

New Delhi, May 31, 2016: Mongolbarnü New Delhi nung   Indian Naval Chief, Admiral R.K. Dhowan-i Indian Naval Chief tasenba, Vice Admiral Sunil Lanba (ajichi) den salemba noksa nung angur. Tanü sentong ka ayongzüka Sunil-i Navy tongti mapa agizükogo.

New Delhi, May 31 (Agencies): Chief of the Naval Staff Admiral, R.K. Dhowan tenzükba wadang nung kümsük abensaba sülen Mongolbarnü Admiral, Sunil Lanba-i Chief of the Naval Staff mapa agizükogo.
Admiral Sunil Lanba ya Western Naval Command nung Flag Officer Commanding-in-Chief (FOC-in-C) liasü.
Sunil ya 1957 küm July 17 nü aso aser January 1, 1978 nü Indian Navy Executive Branch nung commission asü. Pa ya UK nung aliba Royal College of Defence Studies nung azüng aser pai Param Vishist Seva Medal aser Ati Vishist Seva Medal agizüka lir.
Pa kinüngtsü, Reena Lanba tena nem jabaso ka aser jala ana moaja lir.
Pa küm aika tenzüka arudang pai Command balala, operational aser staff appointments nung tenzüka aruogo.
Lanba-i tzüyim nung Command asüba rongnung minesweeper INS Kakinada, frigate INS Himgiri aser INS Viraat Executive Officer densema lir.
Sunil Western Command Flag Officer Commanding-in-Chief (FOC-in-C) meinyakdang pa Southern Naval Command FOC-in-C, Vice Chief of the Naval Staff aser National Defence College Commandant inyaka liasü.