Aung San Suu Kyi-i Rohingya nunger atema luden ketdangsütsü

Nay Pyi Taw, June 01 (Agencies) : Nobel sempet angur aser Myanmar nung State Counselor, Aung San Suu Kyi-i Rakhine state nung yimjung aser terenlok bener arutsü atema luden ka shimba ketdangsüa lenitsü.

Myanmar kübok Rakhine state nung Rohingya Muslim nunger alir, ta ketdangsertemi metetdaktsü.

US Secretary of State, John Kerry-i Suu Kyi ayongzükba sülen hopta ka shi lir külem ludenji tentet.

Iba luden nung Cabinet tasen nungi züngsem 19 adentsü, ta sorkar osangkaket Global New Light of Myanmar-i metetdaktsü.

Iba ludenisa Rakhine state nung UN agencies aser international NGOs-i inyakba mapa den yariteptsü.

Rohingya nungertem ya Myanmar nung putu aika liyonga arur saka parnok Burma nunger senso masü saka Bengali nunger talidak bushia arurtem ta dang züngshir.

Parnok nisung 120,000 jungnüa ka camp 67 nung jenoka lir aser 2012 küm iba tesem nung nütsüng agi tangar memeneper aser Buddhist nunger tsüngda mepetmesü adokba sülen talenbangba kübok alir. Iba lendong nung nisung 160 tashi tepsetogo.