Katrina Kaif den ni medemdangba anenogo: Zareen

Mumbai, June 02 (Agencies): Actress Katrina Kaif mesükla, Zareen Khan-i, joko la Katrina den memedemdangba ajanga la pelar, ta ashi.

Zareena-i mezüng 2011 küm ‘Veer’ film nung Salman Khan den külemi shilem agiba mapang nung tenzüka la Katrina den medemdanga liasü.

“Katrina den medemdangba anenba ajanga ni pelar,” ta interview ka nung Zareen Khan-i ashi.

“Nisung ajak jenjang ka angutsü atema yagi (film industry) arur. Katrina ya tebor tajung tetsür ka lir aser lai kanga meranga inyaker. La den medemdangbaji kü atema maongka lir,” ta ashi.

Laisa, lai lar tesayur, Salman Khan majurur, kechiyong tenaprong pei mapa nung mazüngi alir ta ashi. “Ni pa dang teti pelaa alitsü. Tanü ni actor ka asüba ya pa (Salman) ajanga lir. Pa ya kanga mazüngi aliba nisung ka lir. Tilateri atema ni pa call masür, saka ni timtem ajurura pai ni yaritsü melunga lir,” ta laisa ashi.

Salman o Iulia Vantur na kibong akumtsü dak sentakba nung tasüngdangba langzüdang Zareen-i, “Ochishia ni ya ashir, ni iba indangji memetet. Anogoshia ni pa den mejembir, ajisüaka pai kibong akumtsü atema tetemsü tetsür ka ngur süra, linük ajungai yongyaba ama pa kibong akumtsüji ni-a yongyar,” ta ashi.